លក្ខខណ្ឌនៃការប្រើប្រាស់

អ្នកយល់ព្រម៖

• ផ្តល់ព័ត៌មានពិតប្រាកដ និងត្រឹមត្រូវ។
• ប្រើប្រាស់គេហទំព័រនេះដោយស្របច្បាប់ និងមានការទទួលខុសត្រូវ។
• រក្សាព័ត៌មានគណនីរបស់អ្នកឱ្យមានសុវត្ថិភាព។
• អនុលោមតាមច្បាប់ និងបទប្បញ្ញត្តិជាធរមានទាំងអស់។

គេហទំព័រនេះជួយតភ្ជាប់រវាងខ្នងផ្ទះ អ្នកប្រមូលអេតចាយ ដេប៉ូ ក្រុមហ៊ុនកែច្នៃ និងអ្នកគ្រប់គ្រងគម្រោង ដើម្បី៖

• ស្នើសុំ និងកត់ត្រាការប្រមូលសំណល់កែច្នៃ។
• ពិនិត្យមើលតម្លៃសម្ភារៈដែលអាចកែច្នៃបាន។
• ទទួលបានរង្វាន់ និងការលើកទឹកចិត្តនានា។
• គាំទ្រដល់ការគ្រប់គ្រងសំណល់ប្រកបដោយការទទួលខុសត្រូវ។

អ្នកមិនត្រូវ៖

• ផ្តល់ព័ត៌មានក្លែងបន្លំ។
• ចូលប្រើប្រាស់គណនី ឬប្រព័ន្ធដោយគ្មានការអនុញ្ញាត។
• ផ្ទុកឡើងនូវមេរោគ ឬកម្មវិធីដែលអាចបង្កគ្រោះថ្នាក់។
• បង្កការរំខានដល់គេហទំព័រ ឬប្រើប្រាស់សេវាកម្មខុសគោលដៅ។
• ក្លែងបន្លំអត្តសញ្ញាណជាបុគ្គលផ្សេង។

ព័ត៌មាន រូបថត និងកំណត់ត្រាដែលអ្នកបានបញ្ចូល នៅតែជាកម្មសិទ្ធិរបស់អ្នក។ តាមរយៈការបញ្ចូលទិន្នន័យទាំងនេះ អ្នកផ្តល់សិទ្ធិដល់គម្រោងក្នុងការរក្សាទុក ដំណើរការ ផ្ទៀងផ្ទាត់ និងប្រើប្រាស់ព័ត៌មានទាំងនោះដើម្បីប្រតិបត្តិការគេហទំព័រ ព្រមទាំងគាំទ្រដល់សកម្មភាពរាយការណ៍ ការស្រាវជ្រាវ និងការសិក្សារៀនសូត្រ ដោយធានាការពារឯកជនភាពក្នុងករណីចាំបាច់ និងសមស្រប។

• គេហទំព័រនេះត្រូវបានផ្តល់ជូនឱ្យប្រើប្រាស់ដោយឥតគិតថ្លៃ។
• មិនមានការបង់ថ្លៃចុះឈ្មោះ ឬថ្លៃជាវប្រចាំឡើយ។
• គម្រោងមិនគ្រប់គ្រងការទូទាត់ប្រាក់រវាងអ្នកប្រើប្រាស់ និងអ្នកទិញសម្ភារៈកែច្នៃនោះទេ។
• រាល់ប្រតិបត្តិការនានាគឺជាការទទួលខុសត្រូវរបស់ភាគីពាក់ព័ន្ធដោយផ្ទាល់។

ព័ត៌មានផ្ទាល់ខ្លួនរបស់អ្នកនឹងត្រូវបានចាត់ចែងស្របតាមគោលការណ៍ឯកជនភាពរបស់គម្រោង និងគោលការណ៍ការពារជាធរមានផ្សេងទៀត។

ដើម្បីជួយរក្សាវេទិកានេះឱ្យមានសុវត្ថិភាព ទំនួលខុសត្រូវ និងសន្តិសុខ ការប្រើប្រាស់គេហទំព័ររបស់អ្នកក៏ត្រូវស្ថិតក្រោមគោលការណ៍ខាងក្រោមផងដែរ៖

• គោលការណ៍ការពារទិន្នន័យ៖ ពន្យល់ពីរបៀបដែលព័ត៌មានផ្ទាល់ខ្លួនត្រូវបានប្រមូល រក្សាទុក ប្រើប្រាស់ និងការពារ។
• គោលការណ៍ខូឃី៖ ពិពណ៌នាពីរបៀបដែលខូឃី និងបច្ចេកវិទ្យាស្រដៀងគ្នាត្រូវបានប្រើប្រាស់នៅលើវេទិកា។ គោលការណ៍ខូឃី
• គោលការណ៍ការពារសុវត្ថិភាព គោលការណ៍ការពារការកេងប្រវ័ញ្ច ការបំពាន និងការបៀតបៀនផ្លូវភេទ និងគោលការណ៍ការពារកុមារ៖ ការពារអ្នកប្រើប្រាស់ពីការបៀតបៀនផ្លូវភេទ ការកេងប្រវ័ញ្ច ការរំលោភបំពាន ការរើសអើង និងអាកប្បកិរិយាបង្កគ្រោះថ្នាក់ផ្សេងៗទៀត។ គោលការណ៍នេះកំណត់ចេញនូវវិធានការនានាដើម្បីការពារកុមារពីការរំលោភបំពាន ការកេងប្រវ័ញ្ច ការបោះបង់ចោល និងទម្រង់នៃគ្រោះថ្នាក់ផ្សេងៗ។ care-cambodia.org
• គោលការណ៍ណែនាំសហគមន៍ ឬនីតិវិធីប្រតិបត្តិការបន្ថែមណាមួយ ដែលបោះពុម្ពផ្សាយដោយគម្រោងពីពេលមួយទៅពេលមួយ។

តាមរយៈការប្រើប្រាស់គេហទំព័រនេះ អ្នកយល់ព្រមអនុវត្តតាមគោលការណ៍ទាំងនេះ។ ការខកខានមិនបានអនុលោមតាម អាចបណ្តាលឱ្យមានការរឹតត្បិតសិទ្ធិចូលប្រើប្រាស់ ការផ្អាកគណនី ឬចំណាត់ការសមស្របផ្សេងៗទៀត។

យើងមានគោលបំណងរក្សាគេហទំព័រនេះឱ្យមានសុវត្ថិភាព និងដំណើរការជាប្រក្រតី ប៉ុន្តែយើងមិនអាចធានាបាននូវសេវាកម្មដែលគ្មានការរអាក់រអួល ឬប្រតិបត្តិការដែលគ្មានកំហុសនៅគ្រប់ពេលវេលានោះទេ។

យើងអាចផ្អាក ឬបញ្ឈប់សិទ្ធិចូលប្រើប្រាស់ ប្រសិនបើអ្នកប្រើប្រាស់៖

• រំលោភលើលក្ខខណ្ឌទាំងនេះ។
• ចូលរួមក្នុងសកម្មភាពខុសច្បាប់ ឬបង្កគ្រោះថ្នាក់។
• បង្កើតហានិភ័យដល់អ្នកប្រើប្រាស់ផ្សេងទៀត ឬដល់គម្រោង។

យើងអាចធ្វើបច្ចុប្បន្នភាពលក្ខខណ្ឌទាំងនេះពីពេលមួយទៅពេលមួយ។ ការបន្តប្រើប្រាស់គេហទំព័រ មានន័យថាអ្នកទទួលយកនូវការធ្វើបច្ចុប្បន្នភាពទាំងនោះ។

លក្ខខណ្ឌទាំងនេះត្រូវអនុវត្ត និងបកស្រាយស្របតាមច្បាប់នៃព្រះរាជាណាចក្រកម្ពុជា។